Festivalet më të famshme të muzikës, Coachella dhe Stagecoach, janë anulluar sërish për shkak të pandemisë së Covid-19.
Festivali Coachella, sipas ritualit të përvitshëm, parashikohej të mbahej disa ditë të muajit prill në shkretëtirën e Kalifornisë, por edhe këtë vit ky festival nuk do të mbahet për shkak të pandemisë dhe rregullave anti-Covid.
Festivali i Muzikës dhe Artit, është një nga ngjarjet më prestigjoze botërore në muzikë, zgjat disa ditë rresht dhe ndiqen nga shumë të rinj, ku si audiencë ka edhe shumë të famshëm e yje ndërkombëtarë.
Festivali zhvillohet në luginën Coachella – nga e cila ka marrë dhe emrin, dhe shtrihet në shkretëtirën e Kolorados në Kaliforni.
Vit pas viti, festivali është kthyer në një ndër eventet më të shikuar dhe pritur, ku performojnë këngëtarët dhe grupet më të kërkuar të muzikës amerikane dhe botërore.
Festivali, vit pas viti, thyen rekorde fitimesh dhe shikuesish.
