Korça është përfshirë nga reshje të dobëta shiu gjatë natës, ndërsa temperatura ka qenë në vlera pozitive.
Deri tani, nuk ka pasur probleme në akset rrugore nacionale, ku vijon qarkullimi i automjeteve normalisht dhe pa probleme.
Në segmentin e Dardhës nga km 8 deri në km 13 nga firma kontraktore po punohet me kriposje, sepse në këtë zonë ka pasur reshje të përziera të shiut dhe dëborës. Rruga rurale Shtyllë-Panarit në njësinë administrative Vithkuq është e vetmja rrugë që mbetet e pahapur nga dëbora.
Ndërsa nga informacionet e dhëna nga OSHEE, pa energji është zona e Lekasit, disa fshatra të njësisë administrative Moglicë, Peshtani, Kodrasi, fshatrat Peshkëpi dhe Lumas Pogradec, si dhe disa fshatra që furnizohen nga fidri i Mollasit Ersekë.
