Partizani do të luajë nesër kundër Vllaznisë, ndeshje e vlefshme për javën e 17-të të Superiores. Kjo sfidë do të zhvillohet në orën 16:45, ndërsa trajneri Ilir Daja ka skicuar formacionin për nesër.
Theophilus Solomon ka qenë zhvillim i ditës së sotme i cili ka mbyllur bashkëpunimin me të kuqtë. Kësisoj ai s’do të jetë më tek kryeqytetasit.
Trajneri Ilir Daja e kishte përfshirë thuajse në çdo ndeshje titullar, por për nesër tekniku i njohur ka zgjedhur një tjetër element cilësor. Bëhet fjalë për Erald Çinarin, sulmuesin që u kthye në fushë pas një dënimi 4-mujor nga FIFA.
Shkodrani do të luajë përballë ish ekipit te tij. Ai po kalon një formë te mirë dhe pas golit të shënuar në derbi, është gati të japë maksimumin e tij në takimin e nesërm.
