Shqiptari, Alket Rizai, i cili dihej ishte në burg është pikasur mbrëmjen e djeshme nga policia greke, pasi ky i fundit ndodhej në një makinë tip “BMW”.
Meidat greke shkruajnë se Skuadra e Ndërhyrjes së Shpejtë ka ndaluar në Lamia një mjet tip “BMW” luksoze me xhama të zinj, që iu ka tërhequr vëmendjen, duke iu kërkuar pasagjerëve të dilnin jashtë me duart lart.
Sapo personat kanë dalë, policët dhe qytetarët kanë ngelur pa fjalë. Një ndër tre personat ishte shqiptari Alket Rizai dhe ky i fudnit sipas mediave, kishte marrë leje nga burgu i Domokos dhe qarkullonte i lirë.
Së bashku me të ishte dhe një grek, i cili ishte shumë i njohur në Greqi për jetën e natës. Po ashtu Rizai ishte i shoqëruar edhe nga një shqiptar, i cili prej kohësh kërkohej nga policia greke pasi akuzohet për vrasje. 36-vjecari shqiptar rezultonte i kërkuar edhe për vepra të tjera penale. Ai u shoqërua në rajonin e Fthiotidas, ku mbërriti një grup special nga Athina që e mori në dorëzim.
Ndërsa greku që shoqëronte Rizain ishte Vasili Varelas, edhe ky me leje nga burgu. Varelas është një nga kriminelët më të njohur grek, personi që në 2011 dha urdhër të ekzekutoheshin babë e bir shqiptarë Fillim dhe Oligert Mesaja. Rizai dhe Varelas dolën me leje mbasditen e së premtes për 5 ditë.
