Zlatan Ibrahimovic dhe Romelu Lukaku ishin protagonistë kryesorë në derbin e mesjavës në Kupën e Italisë mes Interit dhe Milanin, jo për golat e shënuar, por për përplasjen që patën në fundin e pjesës së parë.
Gjykata Sportive në Itali ka dhënë vendimin për dy sulmuesit, duke i pezulluar ata me vetëm një javë.
Megjithatë, duket se ende kjo çështje nuk është mbyllur, pasi Prokuroria Federale mund të ndërhyjë edhe pa procesverbalin e arbitrit, e të marrë në shqyrtim provat televizive për të dënuar dy protagonistët e sherrit aspak të këndshëm në derbi.
Megjithatë, ende nuk kemi një reagim nga ky organ i Federatës Italiane të Futbollit.
