Një vajzë e re ka humbur jetën këtë të Premte në Tiranë pas rënies nga një lartësi, në zonën e “Komunës së Parisit”. Policia dyshon se 28-vjeçarja, me probleme të shëndetit mendor, është vetëhedhur nga kati i pestë i pallatit ku banonte.
“Rreth orës 12:20, në rrugën ‘Prokop Mima’, dyshohet se është vetëhedhur nga lartësia e katit të 5-të të pallatit ku banonte shtetasja L.H., 28 vjeçe, ku për pasojë ka ndërruar jetë”, thanë burime zyrtare.
Grupi hetimor vijon punën për zbardhjen e plotë e rrethanave të ngjarjes, ku paraprakisht dyshohet se vuante nga probleme të shendetit mendor, shtuan të njëjtat burime.
