Një i moshuar është arrestuar nga policia e Fushë-Arrëzit për veprën penale “Mbajtja pa leje e armëve dhe municioneve luftarake”.
J.D., 67 vjeç, banues në fshatin Dardhë, Fushë Arrëz, u vu në pranga.
“Pas informacioneve të marra në rrugë operative se një person mbante armë zjarri dhe municion luftarak në banesë, shërbimet e Policisë menjëherë kanë organizuar punën dhe kanë ushtruar kontroll në banesën e shtetasit J. D., në fshatin Dardhë, Fushë Arrëz. Gjatë kontrollit të ushtruar në banesë u gjetën dhe u sekuestruan në cilësinë e provës materiale një armë zjarri automatik me 3 krehra dhe 570 fishekë”, njoftoi policia.
