Miranda Rira, ish kryebashkiakia e Prrenjasit, do të hetohet nga Prokororia e Posaçme. Pas një kallëzimi nga kryebashkiaku aktual i Prrenjasit për shpërdorim ndaj Rirës, disa muaj më parë, Prokuroria e Elbasanit regjistroi procedim penal ndaj ish-Kryetares së Bashkisë Prrenjas Miranda Rira.
Por, institucioni i akuzës së Elbasanit, shpalli moskompetencë për këtë dosje duke ja përcjellë asaj SPAK-ut. Burime nga Prokuroria e Posaccme bëjne me dije se dosja tashmë është dorëzuar në këtë institucion. Ndërkohë pritet të bëhen publik emrat e prokurorëve që do hetojnë ish kryebashkiaken. Rira akuzohet se ka abuzuar me tenderin e ndërtimit të një fushe sporti në Prrenjas.
