Këngëtarja Jonida Maliqi, teksa ishte e ftuar tek “E ardhmja është vajzë”, mori disa surpriza të papritura që e emocionuan shumë.
Babai dhe djali i saj, Dan, i kishin përgatitur dy mesazhe zanore, të cilat ajo nuk i priste fare.
“Jonida ti je shpirti i babit, unë të dua shumë dhe kam shumë emocion që po flas tani këtu. Të dua për gjithçka që ti ke, dua që ti të jesh gjithmonë e më mirë, me djalin me ne të gjithë, babi të do shumë! Dhe është fat i madh për mua që të kam ty, kam edhe Xhildën.
Ndoshta kam bërë dhe unë ndonjë gabim në marrëdhënien me ju, por ju duhet të më falni, sepse edhe mosha bën të vetat.
Të uroj të jesh gjithmonë vetvetja, të kalosh sa më mirë me ambientin që ke rreth e qark dhe gjithmonë të uroj lumturi”, u shpreh babai i Maliqit.
Mes lotësh, Jonida u shpreh se babai i saj është burri ideal, mashkulli perfekt, e që gjithmonë ka kërkuar karakteristikat e tij tek partnerët në jetë.
Qershia mbi tortë ishte i vogli Dan, që i kishte dërguar një mesazh në anglisht mami Jonidës.
“Mami Jonida, të dua shumë, ti je mami më e mirë”, ishin fjalët e tij, që e emocionuan pafund Jonidën.
