Myslim Lika, 60-vjeçari i plagosur në Mamurras është babai i Ilir Xhepajt (Lika), i arrestuar për një vraje të dyfishtë tënnodhur vitin e kaluar.
Policia njoftoi se rreth orës 13:25, në rrethana ende të paqarta, është plagosur me armë zjarri 60-vjeçari, banues në fshatin Gjorëm, Kurbin.
Ai është transportuar në spital dhe ndodhet nën kujdesin mjekësor, paraprakisht jashtë rrezikut për jetën.
Në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes.
Shërbimet e Policisë po krehin zonën si dhe janë ngritur pika kontrolli me qëllim identifikimin dhe kapjen e autorëve.
Vrasja e dyfishtë
Djali i Myslim Likës, është një prej të arrestuarve për vrasjen e biznesmenëve Bujar Lika dhe Paulin Gjergji, krim i ndodhur në hollin e hotelit “A&A” në Laç, më 30 maj 2020.
Dyshohet se Xhepaj ka bashkëpunuar në krimin e dyfishtë.
Gjykata e Kurbinit ka caktuar ndaj tij masën e sigurisë “arrest me burg”.
