Autoritetet italiane kanë zbuluar shifrat e bilancit të pandemisë gjatë 24 orëve të fundit, që paraqiten të qëndrueshme.
Të infektuarit e rinj janë 14372, ndërkohë që ditën e djeshme ishin 15.204. Viktimat janë 467, në ulje të lehtë nga 492 të ditës më parë.
Raporti i testimeve me rastet pozitive ka mbetur pothuajse i pandryshuar, 5.2% nga 5.17 i bilancit të mëparshëm, ndërkohë që përmirësohet sërish situata në spitalet, ndërkohë që janë pothuajse gjysmë milion personat e izoluara sepse ende aktivë.
Por opinioni publik italian është shumë i interesuar edhe për vendimet e nesërme të autoriteteve shëndetësore, bazuar në trendin e rasteve n15 ditët e fundit.
Sipas burimeve mediatike, rajone si Veneto, Kalabria dhe Emilja Romanja mund të kthehen të “verdha”, pra me masa më të lehta, që parashikojnë dhe hapjen e bareve dhe restoranteve gjatë ditës, dhe lëvizjen e lirë brenda rajonit.
Ndërkohë, rajone si Lombardia Piemonte dhe Lacio, që përflitej se mund të ktheheshin në të verdha, nuk e kanë të sigurt, dhe mund të mbeten “portokalli”, ndërkohë që të ”kuqe”, pra në gjendje karantine pothuajse totale, mbeten vetëm Sicilia dhe provinca e Bolzanos.
Vendim i shkaktuar nga rastet e shumta por edhe gjendjes së tejmbushur të strukturave spitalore.
