E ëma e 13-vjeçares e cila vdiq pas përdorimit të një sasie të lartë ekstazie në Rainhill, në Britani, ka braktisur punën dhe është vënë në ndjekje të atyre që i morën jetë vajzës së saj.
Dyshohet se vajzës së saj Eboney Chesire, ia kishin hedhur drogën në një bar pranë shtëpisë teksa ajo kishte dalë për të festuar.
Eboney Chesire vdiq në dhjetor të 2018 pas konsumit të substancës MDMA.
Nëna e saj Kerry Williams, 41 vjeçe e shkatërruar nga dhimbja vendosi t’i shkonte deri në fund kërkimit për të gjetur se cili ishte personi që kishte shkaktuar vdekjen e vajzës së saj.
Ajo hoqi dorë nga puna e saj për një vit për të kërkuar drejtësi për vajzën e saj, duke shpërndarë fletëpalosje në rrugët e qytetit dhe duke gjurmuar bandat e tregtuesve të lëndëve të paligjshme.
Ajo mbeti e pakënaqur nga vëmendja e treguar nga ana e policisë dhe prokurorisë për ngjarjen.
Williams tregon në” Vice High Society” se ka rënë në gjurmët e autorit nëpërmjet informatave të marra nga një grup të rinjsh anonimë në Instagram.
Ajo shprehet në Vice:” Kjo është puna e policisë, por ata nuk po e bëjnë.”
Sipas informacioneve që ajo ka arritur të sigurojë dyshohet se banda e cila kreu krimin, ndaj vajzës së saj të mitur është “The happy dayz crew”.
Vajza ishte njohur me anëtarët e bandës nëpërmjet rrjeteve sociale. Banda trafikon dhe shet lëndë dhe substanca të tjera të paligjshme tek të rinjtë.
