Në SHBA ka pasur shumë raste ku mjekët që morën vaksinën kundër COVID-19, u infektuan një apo dy javë më vonë. Rasti i parë në Shqipëri ishte i mjekut infeksionist Pëllumb Pipero, i cili rezultoi pozitiv, 14 ditë pasi ka marrë dozën e parë të vaksinës Pfizer.
Por pse ndodh kjo? Sipas CNN, janë 4 arsye kryesore se pse atë që kanë marrë vaksinën, mund të infektohen me COVID-19.
Imuniteti nuk fitohet menjëherë
Duhet kohë që vaksinat të krijojnë imunitet në trup. Njerëzit mund të ekspozohen ndaj koronavirusit para se të vaksinohen, ose menjëherë pas vaksinës, dhe nuk do të ketë kohë që trupi të zhvillojë mbrojtjen e tij. Imuniteti fillon të krijohet i plotë pas marrjes së të dyjave dozave të vaksinës.
Qendrat për Kontrollin dhe Parandalimin e Sëmundjeve në SHBA (CDC) arritën në përfundimin se ndërtimi i imunitetit zakonisht zgjat disa javë.
Numri i efikasitetit prej 95% për vaksinat Covid-19 gjithashtu supozon një kohë pritjeje pas vaksinimit.
Vaksinat mund të mos ofrojnë mbrojtje të plotë
Asnjë vaksinë nuk është 100% efektive. Moderna tha në dhjetor se kishte dorëzuar të dhëna në Administratën e Ushqimit dhe Barnave të SH.B.A.-së duke treguar se vaksina e saj parandalonte 2/3 e të gjitha infeksioneve, përfshirë infeksionet asimptomatike. CDC rekomandon që njerëzit të mos supozojnë se janë plotësisht të imunizuar ndaj infeksionit pasi të jenë vaksinuar.
Në përgjithësi, të dy vaksinat siguruan rreth 95% mbrojtje në provat klinike, kështu që një numër i vogël i njerëzve mund të kapin virusin edhe pas dyja dozave. Kjo shkallë e efikasitetit mund të ulet ndërsa njerëzit janë me nivele të ndryshme të përgjigjes së sistemit imunitar.
Virusin nuk e morët për shkak të vaksinave!
Vaksinat aktuale koronavirus nuk mund të infektojnë askënd me virusin. Ato nuk përmbajnë virus. Vaksinat mbajnë një shtrirje të vogël të materialit gjenetik të njohur si ARN-ja dërguese ose ARNi. Ato udhëzojnë qelizat në trup të bëjnë një copë të vogël materiali që duket si pjesë e virusit. Këto copa, nga ana e tyre, njihen nga sistemi imunitar si një pushtues i huaj dhe fillon të bëjë antitrupa dhe qeliza imune që mund të njohin dhe neutralizojnë virusin nëse personi i vaksinuar ekspozohet ndonjëherë.
Imuniteti mund të zbehet me kalimin e kohës
Askush nuk e di se sa kohë do të mbrojnë vaksinat njerëzit nga infeksioni. Mbrojtja e siguruar nga vaksinat mund të zbehet me kalimin e kohës, dhe disa vaksina kërkojnë një goditje përforcuese vite më vonë. Mjekët shpresojnë se koronavirusi nuk do të shndërrohet si gripi.
