Një adoleshent është goditur me thikë në Durrës, këtë të Mërkurë. Ai është transportuar në spital dhe ndodhet jashtë rrezikut për jetën.
“Rreth orës 10:00, në lagjen nr.7, dyshohet se pas një konflikti të çastit është goditur me thikë, shtetasi E.H., 19 vjeç, i cili është dërguar në spital, ku ndodhet nën kujdesin e mjekëve, jashtë rrezikut për jetën. Autori i ngjarjes dyshohet se është shtetasi S.K., të cilin shërbimet e Policisë e kapën në banesën e tij dhe po e shoqërojnë në ambientet e Policisë, për veprime të mëtejshme”, njoftoi policia.
Grupi hetimor po punon për zbardhjen e rrethanave të ngjarjes, shtuan të njëjtat burime.
