Marjon Mitro, i cili u qëllua me armë zjarri një ditë më parë, gjatë marrjes në pyetje nga policia ka deklaruar se ka qenë duke ecur dhe nuk e ka parë autorin, pasi e kanë qëlluar pas shpine.
Mitro ka shtuar se kohët e fundit nuk ka patur asnjë konflikt dhe se nuk di për cilat motive është qëlluar drejt tij. Ai tregoi se ka qëndruar disa minuta pa lëvizur derisa atentatorët janë larguar.
Policia ende nuk ka asnjë të dyshuar për ngjarjes e rëndë, ndërsa nuk ka arritur të gjejë kamera me fushëpamje nga vendi i ngjarjes, çka mund të ndihmonte në ndërtimin e një identikiti të autorëve.
Mitro ka qenë pjesë e dosjes së “tritolit” të Julian Sinanit. Rreth një vit më parë ai ka dalë nga burgu.
Mitro është dënuar nga gjykata me 19 vite burg, ndërsa organi i akuzës kërkoi dënimin me 26 vite burg për të. Më pas, ai apeloi vendimin dhe Apeli i Krimeve të Rënda e uli atë në 8 vjet burg. Mitro u akuzua se ka porositur atentatin e mbetur në tentativë ndaj ish-prefektit të Vlorës, Besnik Dervishi.
