Moti i ftohtë dhe i acartë ka sjellë reshje bore në juglindje të vendit.
Në qarkun e Korçës, gjatë natës ka pasur reshje shiu dhe dëbore të një intensiteti mesatar.
Në zonat me lartësi mbi 1250 metra, reshjet janë shoqëruar me erë.
Dëbora në rrugën për në fshatin turistik të Dardhës ka arritur në një trashësi 5 cm deri në 8 cm.
Autoritetet e mirëmbajtjes së rrugës po punojnë për pastrimin e dëborës dhe kriposjen e saj.
Kalimi i mjeteve nga km 7 deri në km 13 për makinat e vogla në aksin e Dardhës, rekomandohet me zinxhir dhe goma dimërore gjatë orëve të paradites.
Kalimi në akset e tjera rrugore vazhdon normalisht.
