Laçi i Shpëtim Duros arriti një fitore të rëndësishme në “Selman Stërmasi” duke mposhtur bardheblutë me rezultatin 1-0.
Tirana e nisi keq ndeshjen, duke humbur trajnerin Nevil Dede pasi kishte publikuar edhe formacionin që do të zbriste në fushë dhe për 90 minuta drejtimin e skuadrës e mori Tefik Osmani. Por duket se problemet jashtë fushe ndikuan edhe brenda saj, me kampionët në fuqi që nuk qenë thuajse ansjëherë të rrezikshëm para portës kundërshtare, të ndikuar edhe nga mungesa e Bathës në mesfushë.
Laçi gjeti golin e vetëm falë një ekzekutimi perfekt të Mazrekajt nga një goditje dënimi, dhe arriti të ruante deri në fund epërsinë. Fitorja e ngjit në vend të katërt skuadrën e Duros, ndërsa Tirana mbetet në vend të gjashtë, me 20 pikë në 16 ndeshje.
