Një denoncim i publikuar nga ish-kryeministri Sali Berisha pretendon se Drejtori i tatimeve në Tiranë, Dritan Boci po gjobit një biznesmen.
Ish-kryeministri ka publikuar edhe mesazhin për të cilin tregon se ka ardhur në adresë të tij.
“Mirmbrema i nderuar Doktor Sali Berisha! Ju lutem ta beni publik kete rast sepse ky person po na veshtireson jeten familjarisht mua dhe shume biznesmeneve ne qytetin e Tiranes. Emri i tij eshte Dritan Boci dhe eshte drejtor i tatimeve tirane. Ky eshte nje nga kapobandat me te rezikshme ne qytet i cili der ne 2012 ka punuar kamarjer dhe me ardhjen ne pushtet te rilindjes eshte bere drejtor tatimesh,ka blere shtepi(papafingo) me vlere mbi 300 mije euro.Dhe tani po mundohet te behet bashkpronar ne biznesin time qe e kam ngritur me mund e djerse. Me ka ardhur ne biznes me bllok shenimesh ne dore duke me bere llogarite se sa duhet ti paguaj shtetit ne te vertete dhe sa duhet ti paguaj nese i jap ketij 1 miljon ne muaj. Ky person ka qene i arestuar edhe per vjedhje lavatricesh. Ju lutem te na shpetoni nga keta gjak pires nga keta kapobanda te lidhur ngushte me kryeministrine……”, shkruhet në denoncin dërguar Berishës.
Ish-kryeministri publikon dhe një lajm të publikuar në vitin 2008, që hedh dritë mbi përfshirjen e Bocit në një ngjarje kriminale:
“Interpol Tirana përfundoi dje procedurën e ekstradimit nga Milano, Itali, të 21 vjeçarit të shpallur në kërkim ndërkombëtar Besnik Neli, nga Durrësi. Gjykata e Rrethit Gjyqësor Durrës, e ka dënuar një vit më parë atë me 4 vjet e 8 muaj heqje lirie, për veprën penale të “Vjedhjes me dhunë” mbetur në tentativë kryer në bashkëpunim. Në muajin prill të vitit 2006 shtetasi Besnik Neli në bashkëpunim me shtetasit Dritan Boci dhe Fatjon Nasufi kanë vjedhur disa materiale elektro -shtëpiake në shtëpinë e shtetasit Shaban M. Këto materiale shtetasit e mësipërm i kanë vjedhur dhe më pas i kanë shitur për të siguruar të ardhura financiare. Menjëherë pas kryerjes së krimit shtetasi Besnik Neli është larguar nga banesa e tij. Për disa kohë ai është fshehur nëpër njerëz të njohur nga ku më pas ka arritur që të nisej në mënyrë klandestine për në Itali nëpërmjet Portit të Durrësit”.
