Presidenti i SHBA, Joe Biden, i ka kërkuar falje disa anëtarëve të Gardës Kombëtare që ruanin Capitol, pasi u detyruan që të flinin në një parking makinash.
Më shumë se 25,000 trupa u vendosën në Uashington DC për inaugurimin e Biden pas dhunës në fillim të këtij muaji. Pamjet ku ushtarët ishin të shtritë në garazh u bënë virale gjatë ditës së enjte, ndërkohë që kushtet e tyre nxirën reahim në radhët e guvernatorëve të disa shteteve.
Biden thirri shefin e Byrosë Kombëtare të Gardës të premten për të kërkuar falje dhe për të pyetur se çfarë mund të bëhet, sipas raporteve të mediave amerikane.
Zonja e Parë Jill Biden vizitoi gjithashtu disa nga trupat për t’i falënderuar ata personalisht, duke sjellë biskota nga Shtëpia e Bardhë si një dhuratë.
“Thjesht doja të vija sot për t’ju thënë faleminderit të gjithëve që më mbajtët të sigurt mua dhe familjen time,” tha ajo.
Fotografitë që tregonin qindra trupa në një garazh parkimi u bënë virale të enjten dhe shkaktuan zemërim, përfshirë nga anëtarët e Kongresit. Shumë shprehën shqetësime në lidhje me kushtet, me rojet e ekspozuara ndaj tymrave të makinave dhe pa qasje të duhur në ambiente si tualetet pasi kishin qenë në gatishmëri për ditë.
