Ishte i dashuri i saj, i cili shoqëroi karabinierët në vendin e ngjarjes dhe më pas rrëfeu se e kishte vrarë vetë.
Ditën e shtunë, adoleshentja e identifikuar si Roberta Siragusa ishte zhdukur prej disa orësh dhe prindërit ngritën alarmin për zhdukjen e saj. Policia nisi kërkimin ndërsa po merrte në pyetje njerëzit më të afërt në vajzën.
Rreth orës 09:30 të mëngjesit të sotëm, i dashuri i saj, Pietro Morreale u paraqit në komisariat, i shoqëruar nga prindërit dhe avokati mbrojtjes për të rrëfyer krimin.
Mbrëmjen e së shtunës, ata e kaluan së bashku në një vilë, pavarësisht së është e ndaluar nga pandemia e koronavirusit. Sipas fjalëve që qarkullonin në fshat, të dy patën një debat për shkaqe xhelozie, por ende nuk është konfirmuar nga karabinierët, të cilët po hetojnë për të gjetur prova.
