Trembëdhjetë persona në burg dhe 35 në arrest shtëpie. Në qendër të hetimit, prokurime dhe zgjedhje. Nën hetim sekretari kombëtar i UDC Lorenzo Cesa, këshilltari rajonal për buxhetin Franco Talarico dhe sipërmarrësi Antonio Gallo. Ky është rezultati i operacionit të prokurorisë e policisë italiane “Profil i Ulët”.
Hetimi tregoi lëvizje ilegale të parave me vlerë mbi treqind milion euro. Përveç masave parandaluese, Prokuroria Publike e Catanzaros ka urdhëruar ekzekutimin e sekuestrimeve të shumta të pasurive që përbëhen nga përmbledhje të ndërmarrjeve, pasuri të paluajtshme, automjete, llogari bankare dhe rrjedhëse postare për një vlerë që është përcaktuar si “thelbësore”.
Franco Talarico, aktualisht është lënë në arrest shtëpie, pas mega-operacionit ka pasur si synim marrëveshjen me spitalet në Shqipëri.
Në disa përgjime, të publikuara nga “Il Gazzettino”, thuhet se në një darkë të zhvilluar në Romë, ku mes të pranishmëve ndodhej edhe eurodeputeti Lorenzo Cesa, Talarico ka shprehur dëshirën për të hyrë me tendera në spitalet në Shqipëri.
Darka është zhvilluar më 7 korrik 2017 në restorantin Tullio, në qendër të Romës dhe të pranishëm janë biznesmeni Antonio Gallo, sekretari Franco Talarico e Tommaso Brutto, ish-këshilltar komunal i Catanzaros dhe djali i tij Saverio (të gjithë të përfshirë në hetime).
“Uh… korrupsioni total…. tregu i lirë po, por ata kanë një kontratë… kur i shkon me 100 mijë… këto janë tuajat. Është vërtet e ligjshme. Për shembull, nëse mund të futemi në spitale… sepse ne gjithashtu furnizojmë kominoshe, doreza dhe maska, gjithçka që lidhet me spitalet”, thotë Talarico.
Eurodeputeti Lorenzo Cesa ka dhënë dorëheqjen pas daljes së këtyre përgjimeve dhe ka deklaruar se nuk ka lidhje me to.
Nga grataçelat te derrat, me moxarela për t’ia dhënë shefit të policisë së Tiranës, shoqata e drejtuar nga sipërmarrësi Antonio Gallo ishte e gatshme të pushtonte Shqipërinë.
Vendi në anën tjetër të Adriatikut do të ishte si “Kalabria në vitet ’60 … mund të bëhet gjithçka… hekurudha…”. Gallo pasi u lakua nga operacioni i Dda të Catanzaros “Borderland” fillon të mendojë për fillimin e një aktiviteti sipërmarrës në Shqipëri. Projekti përfshin këshilltarin komunal të asaj kohe të Catanzaros Tommaso Brutto dhe djalin e tij Saverio, këshilltar i Komunës së Simeri Crichi. Për të vendosur kapitalin do të mendonte “Princi”, por që kishte urgjencën e dikujt për të kontrolluar veprimtarinë hetimore që po zhvillohej mbi të. ‘Të këqinjtë’ shfaqen me njeriun e duhur: Marshalli i Guardia di Finanza Ercole D’Alessandro. Oficeri i GDF gjithashtu pretendon të gjejë “hyrje” në organe dhe ministri të huaja, për të siguruar përfundimin me sukses të nismës sipërmarrëse. Për këtë rol, ushtarakut do t’i paguhej në të zezë 30-40,000 euro në vit, të cilat nënoficerit do t’i dorëzoheshin përmes aksioneve të marra nga djali i tij Luciano D’Alessandro. Me shtimin e një partneri shqiptar, grupi nist për të pushtuar vendin e shqiponjave.
Noteri Guglielmo dhe shqiptarët
Është edhe noteri i Catanzaros, Roço Guglielmo midis personave të hetuar në kontekstin e operacionit “profili i ulët”. Klanet do t’i ishin drejtuar atij për të zbatuar transferimin e aksioneve të ndërmarrjeve te shtetasit shqiptarë të cilët, të marrë në Bari dhe të ardhur nga Durrësi, ishin pritur në Catanzaro dhe të pajisur me një kod tatimor italian. Shqiptarët, pronarë fiktivë të shumë fabrikave të letrës, përfshirë ato të reja, do të ishin shoqëruar nga noteri për të nënshkruar aktet e përgatitura nga profesionisti pa kontrollet e nevojshme nga legjislacioni kundër pastrimit të parave.
Prokurori
“Ky hetim është sinteza e asaj që kemi thënë për dekada – tha prokurori i Catanzaro Nicola Gratteri për operacionin “Profil i Ulët” në Crotone i cili çoi në 48 masa paraprake. “Ndrangheta qëllon më pak dhe ka gjithnjë e më shumë marrëdhënie me sipërmarrje dhe politika”.
Figura kryesore është Antonio Gallo, një njeri eklektik dhe i paskrupullt, i aftë të ketë kontakte të ngushta me forcat e rendit, politikën dhe ‘Ndrangheta”, ka zgjeruar veprimtarinë e tij sipërmarrëse pa masë. Gjatë kërkimit të shtëpisë u gjetën miliona para CASH që nuk kanë mbaruar ende së numëruari, dhjetëra ora rolex dhe makina luksoze, me vlerë qindra miliona euro. Ai ishte një sipërmarrës në dukje i vogël-mesatar, por kjo dëshirë për t’u rritur e ka çuar deri në Reggio Kalabria, për t’iu drejtuar familjeve të ‘Ndrangheta për të organizuar fushatën elektorale të të nderuarit Talarico”. /BW
