Një i ri është mbytur në liqenin e Ulëzës këtë të Shtunë. Dyshimet e policisë janë se i riu, i cili vuante nga probleme mendore, është vëtëmbytur.
Policia njoftoi se, rreth orës 22.15, A.C., 23 vjeç, dyshohet se është vetëmbytur në liqenin e Ulzës, në afërsi të banesës së tij në fshatin Urakë. Sipas deklarimeve të familjareve, ai vuante nga depresioni.
Forcat e policisë në bashkëpunim me familjarët kanë bërë të mundur nxjerrjen e trupit nga liqeni, ku nga kqyrja nuk janë konstatuar shenja dhune.
Në përfundim të veprimeve të para hetimore dyshohet se shkaku i vdekjes ka ardhur si pasojë e mbytjes në ujë.
