Reperja e famshme Cardi B ka përgatitur me duart e veta një paruke, të cilën ia ka dhuruar fanses së saj të vogël, 11 vjeçe të diagnostikuar me kancer. Reperja me famë botërore ka ndarë procesin e përgatitjes me ndjekësit në një postim në “Facebook”.
Në pamje shihet reperja që mëson artin e krijimit të një parukeje, së bashku me shoqen e saj Kway dhe prodhuesin e parukeve Tokyo Stylez. Pas përfundimit të parukes, Cardi B mësoi se atë do ta merrte një fanse e saj e madhe.
“Paruket janë të shtrenjta. Dhe unë jam vërtet e lumtur që parukja që bëra sot, do të dhurohet. Shpresoj t’i shkojë një njeriu të veçantë”, u shpreh ajo në video.
Në fund të episodit, 11-vjeçarja Khloe hap kutinë e dhuratës dhe kur shikon paruket brenda “fluturon” nga gëzimi. Më pas e vendos në kokë dhe fillon të qajë.
