Pas eliminimit të Atletico Madrid nga një ekip praktikisht i panjohur, Copa del Rey, ka rezervuar një tjetër surprizë të madhe teksa Real Madrid është eliminuar nga ekipi i kategorisë së tretë, Alcoyano.
Mbrëmjen e djeshme, skuadra e Segunda B, Alcoyano, me dhjetë lojtarë në fushë, mposhti “Los Blancos” 2-1 për të arritur në çerekfinale. Një statistikë e jashtëzakonshme është fakti që klubi ka një një buxhet prej vetëm 700,000 euro dhe diferencat në fushën e lojës të paktën sa i përket anës financiare ishin të papara.
Një gol nga Juanan në kohën shtesë, bëri që tifozët në qytetin e vogël spanjoll të shpërthenin në festë. Një nga lojtarët që spikati më shumë ishte Jose Juan , dhe në moshën 41 vjeçare portieri ishte pothuajse i pamposhtur, duke dhënë performancën e jetës. Duke mohuar Lucas Vazquez, Marcos Asensio dhe të tjerët, ishte një natë që ai nuk do ta harrojë kurrë.
Real Madrid e përfundoi ndeshjen me Karim Benzema, Eden Hazard, Toni Kroos, Asensio, Casemiro dhe yje të tjerë të mëdhenj në fushë, por nuk ishte e mjaftueshme për të kapërcyer Alcoyano .
Këngët që këndoheshin në dhomën e zhveshjes më pas mund të dëgjoheshin edhe jashtë stadiumit, dhe e Mërkura, 20 Janar 2021 është një natë që klubi nuk do ta harrojë kurrë.
