Tjetër hap fals i Liverpool në kampionat. Skuadra e Jurgen Klopp humbi 0-1 në “Anfield” përballë Burnley, duke regjistruar ndeshjen e pestë pa fitore.
Kampionët e Anglisë renditen në vend të katërt me 34 pikë dhe diferenca me kreun ka shkuar 6 pikë. Një situatë aspak e mirë për djemtë e Klopp, të cilët kanë humbur shkëlqimin e sezonit të kaluar.
Edhe pse Liverpool dominoi gjatë gjithë ndeshjes, golin e gjetën miqtë shtatë minuta përpara fundit të takimit. Ashley Barnes ktheu në gol një penallti dhe i dhuroi tre pikë fantastike ekipit të tij.
