Duket e çuditshme, por kudo dhe kushdo në botë përpiqet të thyejë rregullat e pandemisë.
Nga kjo kategori nuk përjashtohen futbollistët. I fundit rast i zbuluar është i futbollistit të kombëtares zvicerane Embolo.
Sipas të përdishmes gjermane ‘Bild’, 23-vjeçari kamerunas, i cili është pjesë e Borusia Monchengladbach, theu rregullat anti-covid dhe së bashku me miqtë e tij iu arratisur policisë nga çatia. Kjo gjë konfirmohet edhe nga vetë policia nëpërmjet deklaratës zyrtare. “Policia rrethoi ndërtesën, kur papritmas një burrë u ngjit nga dritarja për në çati dhe kaloi në një apartament tjetër”.
Policia i ra ziles në atë apartament dhe theu derën, por askush nuk ishte aty. Një arratisje spektakolare kjo e futbollistit të përfaqësueses së Zvicrës dhe miqve të tij. Në këtë ‘party’ ishin prezent 23 persona, 15 gra dhe 8 burra.
Pa maska, pa distancë, duke thyer kështu rregullat anti-COVID.
