Mbrëmjen e djeshme në “Për’puthen”, Erisi, konkurrenti më i ri i emisionit u kap me Fationin. Në një moment, Fationi u ngrit nga vendi dhe shkoi në drejtim të Erisit, ndërsa të gjithë djemtë e tjerë u ngritën për të mos i lënë ata që të përfshiheshin në një konflikt fizik, ndërsa transmetimi u ndërpre.
Menjëherë pas transmetimit të kësaj puntate, Fationi ka reaguar në profilin e tij në Instagram. Përmes një postimi të gjatë, ai shkruan se ka vendosur që të largohet nga emisioni.
Në këtë shkrim, Fationi falënderon autoren e emisionit, Olsa Muhametin, opinionistin Arjan Konomi dhe prezantuesen, Bora Zemani. Gjithashtu, ai shkruan se arsyeja e vërtetë e largimit ka të bëjë me faktin se shumë persona aty nuk janë real, çka në shumicën e rasteve e kanë shtyrë të dalë nga vetja.
