Një ditë më parë deputetët e Kuvendit votuan marrëveshjen mes qeverisë shqiptare dhe kompanisë Pfizer për vaksinën.
Deputetët votuan një marrëveshje për të cilën nuk kishin asnjë informacion, por që me detajet e saj janë njohur vetëm gjatë ditës së sotme në komisionet parlamentare.
Një nga deputetët e ‘opozitës parlamentare’. Myslym Murrizi ka bërë pubik dhe çmimin e një doze vaksine që do të vijë në vendin tonë, e cila është 12 dollarë.
“Dje nuk kam qenë i informuar, sot jam i informuar plotësisht dhe kam parë të gjithë kontratën me Pfizer e cila u ratifikua ditën e djeshme në parlament pasi është nënshkruar nga qeveria shqiptare. Habitem që një material i tillë të trumbetohet nga qeveria kaq “Top Secret”, është një material kofidencial i thjeshtë. Është një kontratë përulëse pasi pala shqiptare merr të gjithë përgjegjësinë nga aty ku do të merret, pra merr përsipër transportin, garancinë, shpërndarjen dhe ruajtjen e vaksinave. Nëse pala prodhuese nuk i qëndron kontratës, kontrata nuk lejon që pala blerëse t’i drejtohet gjykatës. Kapari i dhënë nga qeveria shqiptare është 50% dhe nuk është si në rastet e kontratave të tjera ku kapari është nga 10% deri në 30%. Çmimi i vaksinës është rreth 12 dollarë”, tha Murrizi nw Fax News.
