Takimi mes Skënderbeut dhe Partizanit, e vlefshme për javën e 14-të të Kategorisë Superiore, u zhvillua ditën e shtunë nën kushte aspak të favorshme teksa fusha ishte e mbuluar me borë.
Zyrtarët e ndeshjes edhe duke e parë situatën vendosën që mos ta anulonin ndeshjen por të vazhdonin me programin ndërsa takimi u mbyll me rezultatin 1-2 në favor të kryeqytetasve.
Një detaj i çuditshëm nga ndeshja, ishte fakti që Partizani zbriti në fushën e lojës me uniformën e bardhë duke krijuar konfuzion në fushë për shkak të reshjeve të dëborës. Mbi këtë ka komentuar edhe ish-arbitri i njohur shqiptar, Lorenc Jemini, për të cilin është absurde fakti që një klub i madh siç është Partizani të mos kenë uniformë të tretë.
I ftuar në emisionin “Procesi Sportiv”, Jemini ka thënë: “Si mund të luajë Partizani me uniformë të bardhë në dëborë? Këtu ka dhe një modifikim sepse uniforma e Partizanit është e bardhë komplet. Kanë veshur mbathjet të kuqe të uniformës të kuqe.
Flasim për klube serioze, flasim për Partizanin. Uniforma e tretë e Partizanit është e zezë dhe për këtë arsye kanë nga 3 uniforma ekipet.”
