Këngëtarja e njohur shqiptare Leonora Jakupi ka qenë në qendër të vëmendjes së mediave së fundmi. Pak javë më parë ajo foli për dashurinë e saj të jetës duke treguar vetëm inicialet e tij dhe në media u përhap lajmi se bëhet fjalë për Nexhat Krasniqin.
Krasniqi është aktualisht zyrtar në Ministrinë e Infrastrukturës. Duke qenë në këtë pozitë, ndonëse vitet e fundit ai nuk ka deklaruar pasurinë e tij, gjatë vitit 2018, derisa mbante të njëjtën pozitë ka kryer deklarimet në Agjencinë Kundër Korrusionit.
Në këto deklarime zbulohet se posedon pasuri të paluajtshme në vlerën 126 mijë euro, duke përfshirë tokë dhe banesë. Ai ka deklaruar edhe një Mini Cooper, teksa pasuria e luajtshme kap vlerën 9 mijë euro. Mbi 15 mijë euro janë paratë e tij të kursyera në bankë. Ai nuk ka deklaruar të ketë borxhe, e madje as të hyrat e tij vjetore.
