Kryebashkiaku i kryeqytetit Erjon Veliaj, njëherësh drejtuesi i fushatës elektorale të rilindjes në qarkun e Tiranës, është paditur në SPAK për shifje dhe fyerje.
Paditësi është Erion Isufi, i cili është kunati i kryetarit të opozitës Lulzim Basha. Shkak për këtë padi janë bërë akuzat e Veliajt në drejtim të Isufit, se ky i fundit gjatë pandemisë ka arritur të përfitojë 4 vila.
Në padinë e depozituar në SPAK përfaqësuesit ligjorë të Erion Isufit theksojnë se akuzat ndaj tij janë shpifje dhe se ky është një sulm i pastër politik për shkak të lidhjeve të tij me kreun e opozitës Lulzim Basha.
Isufi ka kërkuar nga Gjykata e Posaçme të shpallë fajtor Veliajn për akuzat që ky i fundit se pala paditëse zotëronte katër vila dhe i kishte përfituar ato gjatë përiudhës së pandemisë, duke fshehur qëllimisht të vërtetën rreth kësaj çështjeje.
Nëse Veliaj shpallet fajtor nga Gjykata e Posaçme, ai mund të dënohet me gjobë nga pesëdhjetë deri në 3 milion lekë.
