Një i moshuar, familjarët e të cilit e kishin raportuar si të zhdukur në polici, është gjetur i mbytur në Fierzë.
Policia njoftoi se këtë të Enjte, në vendin e quajtur “Shkëmbi i Rajës”, në ujërat e liqenit Fierzë, Koman, Tropojë, është gjetur trupi i pajetë i shtetasit të humbur Hasan Vatnikaj, 85 vjeç, banues në Bajram Curri.
Gjatë këqyrjes nga eksperti mjeko-ligjor, në trupin e shtetasit Hasan Vatnikaj nuk janë konstatuar shenja dhune.
Në bazë të veprimeve hetimore dyshohet se ky shtetas është vetëmbytur.
Më datë 11 Dhjetor 2020, në Komisariatin e Policisë Tropojë, kanë bërë kallëzim familjarët për humbjen e shtetasit Hasan Vatnikaj, i cili vuante nga skleroza dhe nuk shikonte mirë.
