Gjykata e Tiranës vendosi masën e sigurisë “arrest me burg” për Tire Alldervishin, sanitaren e spitalit Covid-2, që u hoq si infermiere, për të marrë para nga familjarët e të sëmurës me Covid, e cila humbi jetën.
Sanitarja 58-vjeçare e spitalit Covid-2 u arrestua një ditë më parë, pas publikimit të disa pamjeve nga emisioni “Stop”, në të cilat duket se ajo ka marrë të paktën 8 milionë lekë të vjetra nga vajza e pacientes e cila më pas ndërroi jetë.
Për sanitaren, Prokuroria ka kërkuar caktimit e masës së sigurisë ” “arrest në burg.”
Vajza, që ka bërë kallëzim në Prokurori, e kishte të shtruar nënën e saj te spitali Shefqet Ndroqi nga data 28 nëntor , ndërsa pacietja ndërroi jetë në këtë spital në datën 25 dhjetor.
Prokuroria do të hetojë për të qartësuar nëse bëhet fjalë për një rast sporadik, apo kemi të bëjmë me një skemë përfitimi nga personi mjekësor apo ndihmës në kurriz të të sëmurëve me Covid-19.
