James Harden është larguar nga Houston Rockets, për t’iu bashkuar Brooklyn Nets në Konferencën e Lindjes më NBA.
Në këtë transferim janë përfshirë 4 skuadra. Për të siguruar Harden, skuadra e Nets heq dorë nga 3 zgjedhje të para në “draft”, duke përfshirë ekipet e Cleveland dhe Indiana. Në total, 7 lojtarë janë përfshirë në këtë “mega-shkëmbim” me në krye Victor Oladipo.
Harden kishte kërkuar largimin nga skuadra teksane, pasi nuk arriti të fitonte një titull kampion pavarësisht përpjekjeve të njëpasnjëshme të “mjekrës”.
Te Brooklyn, 31-vjeçari, gjen Kevin Durant dhe Kyrie Irving duke formuar një treshe të jashtëzakonshme. Gjithsesi mbetet për tu parë nëse këto talente të mëdha të basketbollit amerikan, do të përshtaten me njëri-tjetrin.
