Lidhja e aktores shqiptare, Adriana Matoshi, me futbollistin afrikan, Keith Groeneveld u zbulua pak javë më parë. Adriana tregoi se për herë të parë është njohur me Keith në një lokal dhe të dy u shprehën mjaft të lumtur për historinë e tyre të dashurisë.
Pasditen e djeshme, Adriana ka qenë e ftuar në ‘Ftesë në 5, ku ka rrëfyer detaje tejet interesante për jetën e saj, e sigurisht edhe për Keith.
“Ai njihte shoqen time dhe i kishte thënë për mua. Ne dolëm sepse ajo na shtyu të takoheshim dhe për shumë kohë shëtisnim bashkë dhe u njohëm. Aty kuptova sa i pjekur ishte Keith, por nuk pati asgjë më shumë. Pastaj kuptuam që ndjenim për njëri-tjetrin. Unë jam shumë e lumtur dhe për sa kohë do vazhdojë të ketë dashuri, kjo lidhje do të zgjasë. Por nuk shkoj larg me mendimet për të ardhmen pasi po shijoj momentin.”
