Autoritetet shëndetësore në Kosovë kanë njoftuar të Enjten se nga COVID-19, kanë vdekur katër persona.
Rastet janë nga komunat: Suharekë 2 raste, dhe me nga një rast Drenasi dhe Lipjani.
Instituti Kombëtar i Shëndetësisë Publike tha se ka regjistruar edhe 279 raste të reja me koronavirus, nga 1 775 testime.
Nga sëmundja janë shëruar edhe 441 pacientë, ndërsa raste aktive janë 5 401.
Marrë parasysh të dhënat e fundit, që prej shfaqjes së rasteve të para me koronavirus në Kosovë më 13 mars 2020 dhe deri më tani, janë regjistruar 54 839 raste me COVID-19, prej të cilëve 48 046 janë shëruar ndërsa 1 392 kanë vdekur.
