Një tjetër plagosje me armë zjarri ka ndodhur këtë të Mërkurë. Ngjarja është shënuar në Milot, ku është raportuar se një person është qëlluar me pistoletë.
Ai është Ylli Ibrahimi 45 vjeç, i cili është qëlluar nga një person tjetër. Ky i fundit dyshohet se është larguar me një motor nga vendngjarja që drejtohej nga njëperson i dytë.
“Rreth orës 12:10, në Milot – Kurbin, në rrethana ende të paqarta është plagosur me armë zjarri shtetasi Y.I., i cili është transportuar në spital dhe ndodhet nën kujdesin mjekësor. Menjëherë në vendngjarje kanë shkuar shërbimet e Policisë dhe Grupi hetimor dhe vijon puna për zbardhjen e plotë të rrethanave të ngjarjes.mShërbimet e Policisë të D.V.P. Lezhë, të Komisariatit të Policisë Kurbin dhe FNSH-së po krehin zonën si dhe janë ngritur pika kontrolli me qëllim identifikimin dhe kapjen e autorit/ëve”, njoftoi policia.
Sot në mëngjes, në Tiranë, u plagos me armë zjarri në këmbë edhe biznesmeni Sino Llanaj.
