Instituti Kombëtar i Shëndetësisë Publike ka regjistruar të mërkurën 299 raste të reja me koronavirus, nga 1,825 testime.
Sipas këtij Instituti, në 24 orët e fundit, është regjistruar një viktimë, duke e çuar në 1,388 numrin e të vdekurve me këtë virus prej kur ka shpërthyer pandemia.
Sipas IKSHPK-së, të mërkurën nga COVID-19 janë shëruar 526 persona, ndërsa raste aktive janë 5,567.
Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë regjistruar 54.560 persona të infektuar me këtë virus.
