Njerëzit mendojnë sërish se Simpsons ka parashikuar të ardhmen, dhe këtë herë me sa duket fundi i botës do të jetë në 20 Janar, raportojnë mediat e huaja.
Fotografitë dhe videot e trazirave dhe sjellja e padisiplinuar dhe e dhunshme e mbështetësve pro-Trumpit të mërkurën e kaluar janë bërë virale në internet. Mes kësaj, disa përdorues të internetit pohuan se një situatë e tillë mund të jetë parashikuar tashmë nga Simpsons.
Por tashmë një pjesë e mirë e tyre mendojnë se Simpsons ka parashikuar të ardhmen dhe këtë herë, ku me sa duket në 20 Janar do të ketë trazira, datë kjo që përkon me inaugurimin e Presidentit të ri të SHBA-Së, Joe Biden.
Imazhet e shpërndara nga përdoruesit e Twitter, nga episodi Treehouse of Horror XXXI, tregojnë Springfield të mbytur në imazhe apokaliptike.
Në këtë episod, i cili u transmetua në Nëntor, Homeri duket i ulur në çatinë e shtëpisë së tij duke pirë një birrë ndërsa një botë post-apokaliptike ndizet nën të. Marge, të cilët producentët vendosën t’i shtonin një maskë para se të transmetohej episodi, i telefonon Homerit ditën e zgjedhjeve që të shkojë të votojë. Lisa përpiqet që Homeri të kujtojë të gjitha gjërat e këqija që kanë ndodhur në katër vitet e mëparshme, duke lexuar pesëdhjetë gjëra që Donald Trump bëri si president.
Rezulton se votimi ishte një ëndërr dhe në ditën e emërimit, 20 Janar, Springfield është në kaos. Skenat duken mjaft të njohura pas ngjarjeve të Kapitol Hill. Megjithëse episodi nuk thotë qartë se bota po përmbyset, njerëzit në mediat sociale kanë hamendësuar që kjo mund të ndodhë më 20 Janar.
Një përdorues i Facebook shkruajti: “Më mirë bëhuni gati, nëse është në Simpsons, do të ndodhë “.
Komedia e animuar për të rritur ka një histori të gjatë të ‘parashikimeve” të ngjarjeve të jetës reale.
Sigurisht, kjo mund të jetë pjesërisht për faktin se është seriali me kohë më të gjatë, që do të thotë se kishte shumë mundësi për rastësi.
