Bashkia e Pukës informoi sot lidhur me situatën e krijuar për shkak të reshjeve dhe temperaturave të ulëta.
Përmes një deklarate për shtyp, Bashkia bëri të ditur se furnizimi me energji elektrike po vijon pa ndërprerje në pothuaj të gjitha njësitë administrative, ndërsa po punohet me kompanitë kontraktore për mbajtjen të hapura të akseve rrugore.
Po ashtu bëhet e ditur se shërbimet shëndetësore janë në gatishmëri.
Probleme në qarkullimin e mjeteve paraqiten në njesinë administrative Gjegjan, në hyrjen e tunelit të rrugës së Gjegjanit, pasi masivi shkëmbor mbi tunel ka pësuar çedime dhe herë pas here ka rënie të gureve dhe masiveve shkëmbore çka përben rrezik potencial për mjetet që kalojnë në këtë rrugë.
Bashkia raporton për dëmtimin e 4 banesave për shkak të rrëshqitjes së dherave, konkretisht në fshtatrat Shkozë, Buzhale, Marrnaq dhe Vrith.
