Në tregun e këmbimit valutor vendas, të Martën, leku fitoi pikë ndaj valutave kryesore, euros dhe dollarit amerikan, ndërsa humbi terren me paundin britanik dhe frangën zviceran, krahasuar me një ditë më parë.
Sipas kursit zyrtar të Bankës së Shqipërisë, euroja këmbehet me 123.43 lekë ose 0.11 lekë më pak se ditën e hënë.
Ndërsa monedha e gjelbër amerikane u zhvlerësua lehtë me 0.01 lekë dhe këmbehet me 101.60 lekë.
Paundi britanik u forcua sot në raport me lekun me 0.86 lekë dhe këmbehet me 138.00 lekë.
Franga zvicerane u ngjit në kuotën e 114.18 lekëve ose 0.06 lekë më shumë se një ditë më parë.
