Nga Boldnews.al
Ministrat Arben Ahmetaj, Belinda Balluku, nënkryetari i Bashkisë Tiranë Arbi Mazniku dhe këshilltari kryesor i Ramës Endri Fuga, u “tronditën” shumë kur mësuan se në Shqipëri përmbytjet po shkaktonin dëme të mëdha dhe po vihej në rrezik jeta e mijëra banorëve. Por fati i keq i tyre se duhet të shkonin në Dubai. Në fillim ministrat refuzuan: “Si mund të shkojnë në Dubai kur populli vuan”?-shpreheshin me shumë shqetësim.
-“Shkoni”,-ju tha ai i madhi, do jem unë këtu, ikni se nuk u dalim fjale miqëve tanë sheikë në Dubai, por as sheikut tonë Same”… Kryeministri ua mbushi mendjen dhe të gjithë bashkë duke shfryrë dhe kthyer kokën pas nga pamjet e trishta që vinin nga përmbytjet dhe vuajtja e të varfërve që edhe ujin kishin manget, ngjitën me pendesë shkallët e avionit.
Shëtitën nëpër Dubain e shtrenjtë e të pasur për të kaluar stresin, ashtu të zymtë të katër drejtuesit e lartë kthenin ndonjëherë kokën nga biznesmeni që kishin me vete, duke i dhënë një buzëqeshje të lehtë. Merazi duhej shfryrë, ata mendojnë për ne qytetarët shqiptarë, ndaj me hak e kanë të relaksohen disi.
Nga mërzia që nuk gjendeshin dot pranë banorëve të prekur, shkuan në një nga restorantet më të shtrenjta në botë, aty ku gatuan kryesisht mishin e përzgjedhur kuzhinieri i famshëm Nusreti. Për të vrarë disi zymtësinë që i kapi dhe ta kalonin më lehtë, ministri i fatkeqësive nisi të thonte thombonte me disa batuta të zgjedhura, gjithnjë me mendimin e mirë që kolegia Beli dhe numri dy i bashkisë të mos trishtoheshin aq shumë. Ha mish e pi verë të shtrenjtë, nuk kalohet lehtë sikleti i përmbytjeve. Madje ata qytetarë që janë nën ujë, duhet tu jenë mirënjohës ministrave dhe zyrtarëve bashkiak.
Ngrinin dolli për ta. Po po, mu aty në mes të Dubait, duke “vuajtur”thellë e më thellë… “Hajde një dolli për të përbyturit, i paçim gjallë, do na duhen për vota”-tha një mendje brilante që asnjëherë si ndahet Ramës si këshilltar. “Pi Ben, mos u step Arbër, pse loton Beli, ha diçka, je tretur shumë kohët e fundit”-u dëgjua një zë.
Sërish dhimbje, trishtim! Hapën telefonët e tipit të fundit dhe shihnin lajmet nga vendi… Stresi i kaploi, shqyenin nga ankthi mishin e gatuar nga kuzhinieri Nusret. Momente të sikletshme. “Hë çfarë thonë lajmet”-pyeste shpesh ai që i gatuan vetë lajmet e propagandës së kryeministrit dhe ua nis të gjithë mediave që ka nën zap. “Çtë thonë”-argumentoi “tigri” dhe si i kudondodhur dhe i gjendshëm për raste të tilla, e kapi situatën në duar. “Pini miqtë e mi, defrehuni që ta kalojmë këtë dhimbje, do Zoti nuk kemi ndonjë jetë të humbur, sepse një votë këtu e një atje bëhet pushteti i tretë”…
Këtu u erdhi paksa çehrja e fytyrës. “Për mandatin e tretë, për komandantin tonë që detyrohet të qëndrojë me këmbë në ujë sa ta marrin kamerat”-thanë të gjithë njëzëri. Orët kaluan dhe në fund erdhi çassti se kush do të paguante. Atë faturë fort të shprenjtë e paguan qytetarët këtu, edhe ata të përmbyturit. Me taksat që japim çdo ditë. Por drejtuesit tanë e meritojnë udhëtimin në vendet e zhvilluara të botës. E kanë hak të bredhin nëpër dyqane të shtrenjta dhe të vishen e stolisen bukur!
Kur ende nuk u kishte dalë pija, e mërzia, disa qytetarë “smirushë”, nisën të ankoheshin dhe kritikonin se si është e mundur që ndërsa vendi ndodhet nën mbretërinë e përbytjeve, ministrat e qeverisë dhe drejtuesit e pushtetit lokal në Tiranë darkonin hareshëm në lokalin Nusret në Dubai?
Aty “tigri” i Rilindjes nuk duroi! “Mosmirënjohës, idotë, qenër”…, shrynte ai. “Ne ngritëm dolli për fatin tuaj, u dehëm nga mërzia, u shqyem b… nëpër lokalet e natës duke menduar vetëm për ju dhe jeni aq të lig sa nuk na vlerësoni”-turfullonte ai, me tubat e hundës që i zgjeroheshin edhe më shumë.
Shpejt u erdhi hareja. Rama reagoi duke i mbrojtur të gjithë, e duke u thënë qytetarëve që “ta qepnin” atë të shkretë gojë, sepse ministrat, këshilltari i tij dhe numri dy i bashkisë shkuan në Emiratet e Bashkuara Arabe për arsye pune, për të tërhequr investitorët e mëdhenj të botës që në mandatin e tretë të qeverisë së tij ta bëjmë Shqipërinë si Dubai…!
