“Miss Shqipëria 2012”, Kleoniki Delijorgji, ka patur një përplasje të fortë mbrëmjen e djeshme me Rezart Veleshnjën, në emisionin e Luana Vjollcës.
Modelja Delijorgji ishte e ftuar në “Shiko kush luan”, ku ndër të tjera ka zbuluar edhe një aftësi të veçantë.
Ajo tha se mund të shikojë fatin e njerëzve nëpërmjet letrave. Bukuroshja u shpreh se letrat e saj janë me engjëj, dhe se ajo komunikon vetëm me engjëj.
Rezi ka ironizuar faktin se ajo mund të parashikojë fatin. Kaq ka mjaftuar që përplasja e tyre nga emisioni të kalojë në rrjetet sociale. Kleoniki ka bërë një status për Rezin në Instastory, ku e cilëson si një personazh antipatik.
Por edhe aktori i humorit nuk ia ka përtuar, duke ia kthyer me të njëjtën monedhë.
