Aktivisti Pano Soko, ekspert në fushën e ekonomisë, ka ironizuar në rrjetet sociale, darkën e një nate më parë të dy ministrave Belinda Balluku dhe Arben Ahmetaj, këshilltarit të Kryeministrit Edi Rama dhe nënkryebashkiakut Arbjon Mazniku, me biznesmenin Samir Mane në një prej restoranteve luksoze në Dubai.
Soko shkruan se kostoja e darkës nuk është kostoja e ushqimit, por ajo që është folur aty, që është dakordësuar.
“Që mos ngatërrohemi – Ushqimi i darkës ka kushtuar nja 4 mijë Euro, darka vetë ka kushtuar disa dhjetra milionë Euro.
Kostoja e darkës nuk është kostoja e ushqimit, është kostoja e atyre që janë folur aty, që është rënë dakord aty.
Dhe sa më e madhe pordha, aq më e lartë kostoja.
Por të jeni të sigurtë për një gjë, dhe ushqimin dhe darkën i ke paguar ti. S’i ka paguar as Samiri, as Tigri, as Fuga, i ke paguar ti..
I ke paguar ti, o të raftë damllaja..”, shkruan Soko.
