Ish-ministri i Jashtëm, Genc Pollo, ka përgënjeshtruar kryeminsitrin Edi Rama, i cili në tentativë për të mbusluar skandalin e darkës luksoze të vartësve të tij në restorantin e Nusretit, tha se fatura ishte paguara nga pala pritës.
Me anë të një statusi në Facebook, Pollo shkruan se nëse do të ishte e vërtetë që fatura të restorantin e Nusretit do të paguhej nga ata që ftuan delegacionin shqiptar, atëherë në kye të tavolinës do të ishte mikpritësi dhe jo Mazniku.
Ja postimi i Pollos:
Gënjeshtra i ka këmbët e shkurtëra; siç e ka edhe pacipësia hijen e gjatë!
Kur darka shtrohet nga pala pritëse, çdo protokoll në botë parashikon që në krye të tryezës të jetë mikpritësi; në ketë rast një ofiqar i Dubait. Por në video del se në bash të sofrës është ulur Mazniku i Fushës me histori mikpritje e gostitje. E kusuri janë rilinidistë sipas sërës🤔
Edhe diçka: thotë se në delegacion ishin nga qeveria, bashkia e media. Por “biznesmenin” e harroi vallë? Se sikur na e kapi syri🤔🤔
Një kryeministër normal do t’a quante Nusretin të papranueshëm dhe ministrat e tij do të kishin pasoja;
Një kryeministër hileqar do t’i bënte ministrat rezil e do t’i shkarkonte për t’i rujatur vetes fytyrën apo për të shpëtuar lëkurën.
Një shef qeverie që ka humbur çdo busull morale, politike e logjike i del zot zullumit ashiqare me gënjeshtra skarco.
#25PrillNdryshim
