Mjeku i njohur Tritan Kalo përmes një statusi në Facebook shkruan se dalja e një pacienti të sëmurë rëndë nga spitali, nuk është lajm i mirë vetëm për të por edhe për vetë mjekët.
“Përpjekjet për të shkëputur nga kthetrat e jetëhumbjes të sëmurët me Sars-Cov2/Covid-19, janë të shumta dhe të përminutëshme, por jo kurdoherë të suksesëshme,” shkruan Kalo.
Ai bën thirrje për të gjetur rreze optimizmi në këtë situatë të vështirë.
Statusi i plotë:
KOHË KOVIDIANE….9.01.2021….Dalja e një të sëmuri rëndë nga Spitali, përbën një event psiko-emocional të veçantë jo vetëm për të, por edhe për ne përkujdesësit ndaj shëndetit të tij….Përpjekjet për të shkëputur nga kthetrat e jetëhumbjes të sëmurët me Sars-Cov2/Covid-19, janë të shumta dhe të përminutëshme, por jo kurdoherë të suksesëshme….
Megjithatë ne jemi aty, që gjithmonë me Punën, Përkushtimin dhe Profesionalizmin tonë, të bëjmë më të mirën e mundëshme shpesh edhe përtej kufirit të së mundshmes, për të risjellë gëzimin e jetës në fytyrat tuaja….Sfida e përballjes me infeksionin Sars-Cov2/Covid-19 është e vështirë, me shumë të papritura e të panjohura, POR asnjëherë e pamundëshme për t’u fituar….
Në këtë periudhë gri të ecurisë së Pandemisë, është kurdoherë e mundëshme të gjindet një rreze drite e optimizmi për të ngadhnjyer mbi të….Ju duam dhe për asnjë çast nuk do të rreshtim së përkujdesuri për JU….Together forever!!!,”.
