Arrestohet shoferi i automjetit që përplasi për vdekje një 50-vjeçar në Vajkan të Fierit dhe më pas u largua nga vendngjarja.
“Nga Specialistët e Sektorit të Qarkullimit Rrugor në DVP Fier në bashkëpunim me shërbimet e Policisë Tiranë, u bë kapja dhe ndalimi për veprat penale ‘Shkelje e rregullave të qarkullimit rrugor’ dhe ‘Largim nga vendi i aksidentit’, i drejtuesit të mjetit, shtetasit E. Dh., 38 vjeç, banues në Tiranë dhe ndalimi i pasagjerit në këtë mjet, shtetasit K. M., 22 vjeç, banues në Tiranë për veprën penale ‘Moskallëzim krimi’. U sekuestrua në cilësinë e provës materiale automjeti tip Furgon Sprinter Mercedez Benz, që drejtonte 38-vjeçari”, njoftoi policia.
