Prokurorët francezë njoftuan këtë të enjte se Karim Benzema do të paraqitet në gjyq për përfshirjen e tij të dyshuar në skandalin Mathieu Valbuena në vitin 2015.
Dy persona supozohet se kishin në dorë një kasetë seksuale të Valbuena dhe u përpoqën ta shantazhonin. Ata dyshohet se kanë arritur të kontaktojnë me Benzema dhe futbollisti besohet të ketë folur me Valbuena për këtë gjatë një grumbullimi të ekipit kombëtar të Francës.
“Vendimi për ta çuar këtë në gjyq është absurd dhe i padrejtë,” ka thënë avokati i Benzema lojtarit, Sylvain Cormier për EFE. “Benzema nuk ka për çfarë të fajësohet.”
Në nëntor të vitit 2015, Benzema kaloi një natë paraburgim në Versalles.
“Unë mendoj se është një keqkuptim i madh,” tha Benzema në atë kohë, duke pretenduar se ai po përpiqej të ndihmonte shokun e tij të skuadrës (Valbuena).
Që nga koha e incidentit, Benzema nuk është thirrur në kombëtaren e Francës.ma
