100 milionë dollarë për tu ndeshur ndaj Floyd Mayweather në boks. Kjo është oferta që i është bërë legjendës së MMA-së, Khabib Nurmagomedov.
Këtë gjë e ka pohuar vetë agjenti i luftëtarit rus, Ali Abdelaziz, i cili pohon gjithashtu se që nga dalja në pension e Khabib ofertat nuk kanë reshtur.
“Ne na janë ofruar 100 milionë dollar për t’u ndeshur me Floyd Mayweather. Dana White ishte në bord, të gjithë ishin atje. Por, të gjithë e dimë se Khabib është një luftëtar i MMA. Nëse Floyd dëshiron të luftojë kundër tij, atëherë le të vijë në oktagon”, janë fjalët e agjentit.
Kujtojmë që Nurmagomedov u tërhoq nga MMA vitin e kaluar pas vdekjes së babait të tij, i cili fatkeqësisht ndërroi jetë për shkak të Covid-19. Ndeshja e fundit e rusit ishte kundër Justin Gaethje, ku në fund ai nuk i mbajti dot lotët.
