Instituti Kombëtar i Shëndetësisë Publike (IKSHPK) njofton se në Kosovë, gjashtë pacientë të infektuar me koronavirus kanë ndërruar jetë në 24 orëshin e fundit, ndërsa janë regjistruar edhe 309 raste të reja me COVID-19.
“Rastet e vdekjes janë nga komunat: Istog 2 raste (80, 66 vjeç), Ferizaj 1 rast (88 vjeç), Kamenicë 1 rast (58 vjeç), Prishtinë 1 rast (84 vjeç), Prizren 1 rast (86 vjeç)”, thuhet në njoftim.
Rastet e reja me COVID-19 dalin pas 1.417 testimeve.
Në raportin ditor të IKSHPK-së bëhet e ditur se edhe 601 pacientë janë shëruar nga COVID-19.
Që prej shfaqes së rasteve të para me koronavirus në Kosovë, marsin e vitit të kaluar, e deri më 7 janar, janë regjistruar 52.943 raste me këtë virus.
Prej tyre, 1.363 pacientë kanë vdekur dhe 44.436 janë shëruar.
Raste aktive janë 7.144.
